Il venderdi a bun'ura hai dà in accident sin la via principala a Trin. Sco la Polizia chantunala communitgescha, haja il responsabel per l'accident engulà l'auto a Mustér.
Il venderdi a bun'ura era ina automobilista sin via da Flem en direcziun Tumein. Suenter il spartavias direcziun Trin ha ella tegnì avant in'ampla dad in plazzal. Da davos è lura vegnì in auto ed il manischunz da 25 onns è collidà cun l'auto da la dunna che spetgava. Omaduas persunas èn vegnidas blessadas e transportadas en l'Ospital chantunal a Cuira.
Polizia chatta pliras violaziuns da la lescha
La polizia chantunala haja chattà durant l'examinaziun da l'accident pliras cuntravenziuns dal manischunz ch'ha chaschunà l'accident. Sco la polizia scriva, haja l'um engulà l'auto a Mustèr ed il test d'alcohol saja stà positiv. En pli vegn supponì diever da meds narcotics e per finir n'haja l'um negin permiss dad ir cun auto.