Siglir tar il cuntegn

Header

cuntegn

«Diversitad Art Sagogn» Tgi che vul exponer sto avair ina colliaziun cun Sagogn

Sco tar bleras occurrenzas culturalas dal davos temp n’esi ditg betg stà cler sche l'exposiziun «Diversitad Art Sagogn» sappia vegnir manada tras.

Nus essan ditg stads sco sin guglias. Nus vain decidì da manar tras l’exposiziun sulettamain a moda cumpletta. Uschiglio avessan nus spustà l’occurrenza per in onn.
Autur: Johann Cantieni commember da suprastanza «Pro Sagogn»

Cundiziun per dastgar participar

Ina premissa han tut ils participants stuì ademplir. La colliaziun cun il vitg da Sagogn ha stuì esser avant man. Quai ha savì esser dad abitar en il vitg, esser creschì si la, avair maridà insatgi da Sagogn u simplamain avair fatg vacanzas.

Uschiglio han ils artists e las artistas maun liber tge ch'els ed ellas vulan exponer. Per la gronda part sun exponids maletgs, figuras da lain e terracotga sco era lavurs manualas cun crappa.

audio
Art a Sagogn – exposiziun cun protagonists indigens
ord Actualitad dals 14.08.2020.
laschar ir. Durada: 2 minutas 32 Secundas.

Il plaschair stat el center

Ils blers dals expositurs exponan mo darar lur ovras. Uschia stat il plaschair sa preschentar avant igl intent da far bunas fatschentas.

Jau na vend betg gugent mes maletgs perquai che jau ha ina relaziun cun els. Quai fa adina in pau mal da dar davent els.
Autur: Ueli Käser creschì si a Sagogn
Jau dissegn cunzunt per mamez. La davosa giada ch'jau hai exponì mias ovras è stà avant 20 onns. Quella giada era qua era stà qua a Sagogn
Autur: Silvia Tschuor abitescha a Sagogn

L’exposiziun d’art vegn accumpagnada da concerts musicals cun interprets ch'han er ina relaziun cun Sagogn.

RTR actualitad 17:00

Artitgels legids il pli savens