La canorta Igniv a Glion è nominada per il Prix Montagne da quest onn. Il premi ch'onurescha mintg'onn interpresas u projects che contribueschan a la diversitad economica en las regiuns da muntogna. La canorta a Glion saja transfurmada ils ultims onns d'ina offerta modesta tar ina istorgia pedagogica ed economica da success, hai num en la communicaziun.
Tut en tut èn nominads sis projects u interpresas da l'entira Svizra. Il premi da l'Agid svizzer per la Muntogna è dotà cun 40'000 francs e vegn surdà ils 6 da settember.