Siglir tar il cuntegn

Header

cuntegn

Surselva Donnaziun da 500'000 francs per archiv cultural en Tujetsch

Dapi 1999 fa il Forum cultural Tujetsch plans per in archiv cultural. Uss pon els realisar quests plans. Ina persuna dat 500'000 francs persuenter.

audio
Bunura: Archiv cultural da Tujetsch survegn in mez milliun d’in donatur anonim
ord Actualitad dals 02.12.2015.
laschar ir. Durada: 2 minutas 35 Secundas.

Els quintian cun investiziuns dad 1 fin 1,2 milliuns francs, ha Tarcisi Hendry ditg ad RTR. El è archivari ed actuar dal Forum cultural Tujetsch. El ha quasi 200 stgatlas cun material sco per ex. films, fotografias veglias, diaris ubain documents dad uniuns e plevons. Vitiers vegnan ina biblioteca documentara cun publicaziuns sur da la val Tujetsch e cudeschs rumantschs sco era las bibliotecas privatas da Vic Hendry e da Gion Felici Monn e documents rimnads da l’anteriur bibliotecari chantunal Norbert Berther.

Bleras infurmaziuns istoricas e culturalas

Quai saja in grond mantun d’infurmaziuns istoricas e culturalas da la val Tujetsch, di Tarcisi Hendry. L’archiv cultural da Tujetsch savess vegnir realisà en cumbinaziun cun il museum la Truaisch. 2016 vegnan ils plans concretisads e sche tut va sco previs po quest archiv vegnì realisà 2017.

Artitgels legids il pli savens