Duas indigenas mainan il BigT a Dieni

Per la reavertura da la disco a Dieni cun il nov num BigT han ils possessurs chattà duas manadras indigenas: Simona Zazzi e Carla Durschei da Mustér.

Simona Zazzi e Carla Durschei da Mustér. Bild in Lightbox öffnen.

Legenda da maletgs: Simona Zazzi e Carla Durschei da Mustér. mad

Per la disco BigT a Dieni èn vegnidas chattadas duas giuvnas indigenas sco manadras, numnadamain Simona Zazzi e Carla Durschei, omaduas da Mustér. Sco Gian Derungs, in dals possessurs da la disco, ha ditg a RTR sajan ins fitg cuntent d'avair chattà persunas indigenas per manar la disco. En tut porscha la disco quatter plazzas da lavur cumplainas.

La primavaira passada avevan tschintg giuvens cumprà la disco a Dieni suenter che questa è stada serrada la davosa stagiun d'enviern. Gia durant la stad han els organisà inqual occurrenza.

La disco è averta davent dals 25 da november mintgamai sonda e dumengia per far après-ski sch'il territori da skis è avert. Davent dals 23 da december è ella averta mintga di. Las emprimas occurrenzas dalla stagiun, davent d'in concert da la band ils Galiots (25.11.), parti da Son Niclà (9.12.) u d'avertura da la stagiun da skis (23.12.), èn gia planisadas. Ils detagls e temps d'avertura chattan ins sin la pagina d'internet da la disco.