Siglir tar il cuntegn

Header

video
Purtret da Valeria Hendry da Mustér
Or da Telesguard dals 12.01.2018.
laschar ir. Durada: 3 minutas 31 Secundas.
cuntegn

Surselva Duas soras – in label

Da Mustér en l'entira Svizra. Quai è la visiun che las duas soras Valeria ed Alina Hendry han per lur label da moda.

Per vegnir cun lur label viadora tar ils cumpraders dovra quai ina pagina d'internet cun ina stizunetta, nua ch'ins po cumprar la vestgadira cun motivs creads a Mustér. Uschia èn las duas soras Valeria ed Alina Hendry sa decididas da lantschar ina campagna da crowdfunding per rimnar 5'000 francs – ed han gì success.. Cun quests daners vulan ellas finanziar la pagina d'internet. mo era la digitalisaziun da novs motivs per la vestgadira.

audio
Bunura: Crear moda – la via che duas giuvnas da Mustér vulan ir
ord Actualitad dals 16.11.2017.
laschar ir. Durada: 2 minutas 41 Secundas.
Tastga da taila cun il tschierv.
Legenda: L'emprim motiv per textilias è in tschierv. Ideas per auters motivs ha Valeria avunda. RTR, Gion Hosasng

Inspiraziun da la natira

Valeria dissegna gia daditg cun gronda passiun. Uschia è era l'idea naschida da far t-shirts cun quests motivs. L'inspiraziun per ils dissegns vegnan da la natira, e quai duai era esser il spezial dal label «Valys art - nature inspired». Ideas per ulteriurs motivs datti avunda ed uschia duai era crescher il sortiment da vestgadira u accessoris.

Ch'ellas daventian ritgas cun lur label na crajan las duas soras betg. Almain betg ritgas cun daners. Ritgas daventian ellas dentant da novas experientschas. Pertge cun in tal project possian ins emprender bler.

RR actualitad 08:00

Artitgels legids il pli savens