Ils 14 scolars e scolaras da Duin vegnan instruids en tschintg classas. La scola cumplessiva da Duin è uschia ina scola sco i dat be paucas pli. Il scolast Curdin Christoffel dat a tuttas e tuts scola en ina stanza da scola. Il temp da corona ha quai dà instrucziun main digitala. Ma tuttina èsi stà ina gronda sfida per tuts, ha Curdin Christoffel declerà.
Manader da scola sin visita
Il davos di da scola dal onn 2019/2020 visita il manader da scola Silvio Dietrich la scola da Duin, ma era anc ulteriuras scolas da la vischnanca da Glion. Uschia era per exempel Rueun, nua ch'el visita communabel cun las scolaras ed ils scolars la tradiziunala messa da scola.
Da Duvin e Rueun ha RTR rapportà live. RTR ha discurrì cun il manader da scola Silvio Dietrich e cun scolaras e scolars.
