Siglir tar il cuntegn

Header

Purtret Arno Deplazes.
Legenda: 80 annunzias dal Maroc per la plazza da pastur ha Arno Deplazes survegnì. RTR, Linus Livers
cuntegn

Duin / Maroc Persunas dal Maroc vulan ir ad alp en Svizra

80 annunzias dal Maroc hai dà per l'alp Selva da Duin.

L'inserat sin la plattafurma ZALP nua che las plazzas per fameglia d'alp vegnan plazzadas ha gì success total. Duas minutas suenter che l'inserat è vegnì publitgà haja il telefon cumenzà a scalinar cuntinuadamain, raquinta Arno Deplazes il chautegia da l'alp Selva sur Duin. En tut èn arrivadas 130 annunzias, da quai passa 80 dal Maroc.

La saira cura ch'jau sun turnà a chasa eran 85 mails arrivads, jau n'avess mai pensà che uschè insatge fiss pussaivel.
Autur: Arno DeplazesChautegia alp Selva

Las persunas dal Maroc che vulan vegnir en svizra n'han tenor las leschas vertentas quasi nagina schanza da far quai. Il Maroc tutga betg tar l'Uniun europeica e n'er betg tar ils stadis da l'EFTA ed uschia dastgan mo persunas dal Maroc cun qualificaziuns spezialisadas vegnir en svizra a lavurar. La fameglia d'alp n'auda betg tar quellas lavurs spezialisadas.

La plattafurma ZALP è vegnida serrada entras l'uschenumnà «geoblocking» per tut il traffic dal Maroc. Quai suenter che passa 2'000 persunas a di s'annunziavan per da quellas plazzas en Svizra. E quai senza la minima schanza per success.

Arno Deplazes ha pledà ina giuvna indigena per l'alp Selva cun var 250 nursas.

RTR actualitad 11:00

Artitgels legids il pli savens

Scrollar a sanestra Scrollar a dretga