Siglir tar il cuntegn

Header

Navigaziun

Grafica da las morsas da conguala Grischun e Glaruna
Legenda: Il svilup da las morsas dals davos dus onns el Grischun e Glaruna RTR, Grafica
cuntegn

Surselva Dumber da morsas da chauns crescha considerablamain

Dapi ch'igl è betg pli obligatoric da visitar in curs da chauns, crescha il dumber da morsas en il chantun Grischun.

Ils davos dus onns, han ils cas da morsas da chauns prendì tiers en il chantun Grischun per 95%. Dapi l'entschatta 2017 ston ils possessurs da chauns betg pli far in curs obligatoric per survegnir l'attest d'enconuschientscha per chauns.

Per il veterinari chantunal Giochen Bearth ha quella situaziun l'effect, ch'i dat pli blers problems cun chauns che mordan. Quai era en cumparegliaziun cun il chantun Glaruna, nua ch'ils curs da chauns èn anc adina obligatorics e las morsas da chauns prendan giu.

En Grischun ha il cussegl grond tractà l'october 2017 in'incumbensa che vuleva obligar ils possessurs da chauns da stuair far quels curs. Cun ina differenza da trais vuschs ha il cussegl grond dentant refusà quella proposta

RR actualitad 07:00