Surselva - Dumbrar fluras e plantas sin l’alp da Siat

1 / 6

Legenda: Gregor Canova, cussegliader puril al Plantahof, valitescha sch’ina prada ha ina gronda qualitad da biodiversitad ni betg. RTR, R. Mühlemann

2 / 6

Legenda: Gregor Canova dissegna en sin la charta nua ch’i dà tge qualitad da biodiversitad sin l’alp da Siat. RTR, R. Mühlemann

3 / 6

Legenda: La giansauna grischuna, ina flur che inditgescha ina prada da qualitad. RTR, R. Mühlemann

4 / 6

Legenda: La grusaida che crescha stedi sin l’alp da Siat. RTR, R. Mühlemann

5 / 6

Legenda: Ina da diversas palìs sin il territori da l’alp da Siat. RTR, R. Mühlemann

6 / 6

Legenda: Vista da la Fuorcla da Ranasca sin il cunfin da l’alp da Siat sin l’alp da Ruschein e sin la staziun da la pendiculara dal Crap Masegn. RTR, R. Mühlemann

Gregor Canova dal Plantahof sto en connex cun la nova politica agrara 2014-2017 tranter auter era chartografar l’Alp da Siat: vul dir, el sto giuditgar tge fluras e plantas che creschan sin las pastgira da questa alp. Tut tenor tge fluras e plantas che creschan là, dat quai contribuziuns per la biodiversitad.

Per simplifitgar sia lavur e pudair insumma giuditgar con biodivers ch’ina pastgira è, sch’ella è pia quai che pertutga la biodiversitad dad auta qualitad u betg, ha Gregor Canova ina glista cun 60 differentas fluras cun el. Quellas sto el tschertgar sin las pastgiras e nudar quantas ch'igl ha da mintga sort sin ina tscherta surfatscha.