Siglir tar il cuntegn

Surselva Dunna croda mortalmain al Piz Terri

Venderdi curt suenter las 16:00 è la dunna glischnada suenter ina stretga e crudada var 220 meter en la profunditad.

Piz Terri.
Legenda: La dunna è crudada var 220 meter en la profunditad. MAd

Venderdi suentermezdi era in pèr en descensiun dal Piz Terri sur Vrin. Curt suenter las 16:00 è la dunna glischnada ora en l'autezza da 2'870 meter sur mar suenter ina stretga e crudada var 220 meter en la profunditad. Ella è vegnida blessada mortalmain, communitgescha la polizia chantunala.

La REGA ed ils spezialists da salvament dal club alpin svizzer hajan chattà l'alpinista morta. La procura publica e la polizia chantunala sclereschan ussa la raschun exacta per la disgrazia.

RR novitads 10:00