Il suentermezdi è in automobilist da 66 onns collidà da manaivel da Schnaus cun ina saiv directiva ed è silsuenter cupitgà sin la vart. L'automobilist è vegnì transportà per in tractament ambulant en l'ospital da Glion.
Sa glischnà sin via schliatta
Legenda:
L'accident a Schluein
MAD, Polizia chantunala
La saira tard ha in auto d'in um da 24 onns cumenzà a glischnar da manaivel da Schluein. El era da viadi da Laax vers engiu. Er el è collidà cun in paracar e silsuenter cupitgà sin la vart. Il manischunz n'è betg vegnì blessà.
La Polizia chantunala examinescha ils dus accidents.
RR novitads 12:00