Ier suentermezdi enturn las 17:00 hai dà in grev accident da traffic tranter Tumein e Trin. Cun surpassar in collega è in motociclist siglì en ad in autobus che vegniva encunter ed è cupitgà. Ses collega n'ha betg pudì franar ad uras ed è collidà cun ses camarat. L'emprim motociclists ha la Rega stuì transportar en l'ospital chantunal a Cuira. Ses collega ha pudì ir sez tar il medi.
L'emprima moto è vegnida destruida cumplettamain. Vi da la segunda moto e l'autobus hai dà gronds donns. Pervi d'objects ch'èn sgulads tras l'aria è in auto da persunas suandant vegnì donnegià. La via chantunala sur Flem ha stuì vegnir serrada per 2 uras. Consequentamain hai era dà colonnas sin la via sur Versomi.
RR novitads 14:00