Siglir tar il cuntegn

Header

Navigaziun

Il slogan dal café rumantsch – «Nus discurrin rumantsch»
Legenda: A Sevgein e Vuorz duai bainbaud dar «Cafés rumantschs» MAD / Lia Rumantscha
cuntegn

Surselva Dus novs Cafés rumantschs per la Surselva

En Surselva datti en l'avegnir dus novs Cafés rumantschs, in a Vuorz ed in a Sevgein. Quai ha communitgà la Lia Rumantscha.

Dapi bundant set onns datti ils Cafés rumantschs en Surmeir ed en Engiadina Bassa. En Surselva devi fin qua sulettamain il «Café romontsch» en Lumnezia, organisà regularmain da la Fundaziun da cultura Lumnezia.

Uss ha la Lia Rumantscha a Glion instradà dus novs Cafés rumantschs a Vuorz e Sevgein. Sco la Lia ha communitgà dettia è dentant era interess a Laax e Mustér per in lieu d'inscunter rumantsch. Ils Cafés rumantschs porschan la pussaivladad da discurrer regularmain rumantsch.

Proxims inscunters en ils Cafés rumantschs en Surselva

Personen-Box aufklappenPersonen-Box zuklappen

– Café rumantsch a Sevgein: mesemna, ils 27 da favrer, a partir da las 19.00 en l'ustaria Cauma pintga a Sevgein

– Café rumantsch a Vuorz: glindesdi, ils 4 da mars, a partir da las 20.15 en l'hotel Ucliva a Vuorz

– Café romontsch a Lumbrein: mardi, ils 12 da mars, a partir da las 19.30 en la Casa d'Angel a Lumbrein

RR novitads 10:00