En Surselva n'han actualmain betg tut las vischnancas bunas colliaziuns a la rait d’internet. Duvin e Pitasch èn dus vitgs vischinants, fracziuns da la vischnanca da Glion, spartids entras ina gronda val. Colliads èn ils vitgs mintgamai davent da la via che maina en Val Sogn Pieder.
Buna colliaziun
Duvin ha ina colliaziun a la rait d’internet cun ina fibra da vaider. Pervia da quella colliaziun èn ils architects da Basilea, Ulrike e Roman Hörler, sa decidids da dischlocar lur biro e lur da chasa a Duvin.
Senza ina buna colliaziun a la rait d’internet na sai jau betg sche nus fissan vegnids ad abitar a Duvin. Oriundamain avain nus tschertgà sulet in lieu per ir en vacanzas.
Schletta colliaziun
Pitasch è collià cun ina lingia d’arom davent da la via chantunala che maina a Val Sogn Pieder. La prestaziun da la rait d’internet è dapli che 10 giadas pli flaivla che a Duvin.
Sur la lingia ferma da telefon funcziunava nagut endretg. Perquai hai jau annullà l'abunament da telefon. Ussa retir jau l'internet da mes handy. Quai funcziuna tip top.
Uschia giaschan las duas fracziuns da Duvin e Pitasch bain in spert l'auter, fan er part da la medema vischnanca. A Duvin pon ins dentant surfar e dischargiar films bler pli svelt che tar il vischin a Pitasch.