Sin quest parcadi vulan las pendicularas da Mustér realisar il ressort da vacanzas Catrina. Previs èsi da cumenzar a bajegiar la primavaira 2016. Perquai sto il circus tschertgar in plaz nov. Mo i na saja betg simpel da chattar in’ alternativa a Mustér, di Reto Berner, il responsabel da pressa e marketing dal Circus Nock. Perquai pondereschan els era sche Trun fiss in’alternativa. Mo i saja anc decidì nagut.
Grev da chattar in plaz
Era il president da vischnanca da Mustér Francestg Cajacob di che quai saja grev da chattar in plaz a Mustér. Ina pussaivladad fiss dentant da duvrar la part giudim dal parcadi da las pendicularas. El deplorass sch’il Circus Nock na vegniss betg pli a Mustér, perquai ch’el ha bellas regurdientschas da quest eveniment.
En scadin cas vegn il Circus Nock vinavant en Surselva, e quai a Flem.