Siglir tar il cuntegn

Header

Marcus Caduff, il president da Surselva Turissem.
Legenda: Marcus Caduff, il president da Surselva Turissem. RTR, S. Monn
cuntegn

Surselva Eclat pudess esser schanza per Surselva Turissem

Per Surselva Turissem pudess l'eclat e la separaziun da Tujetsch da l'organisaziun Sedrun Mustér Turissem esser ina schanza. «Uschia pudess la destinaziun da Surselva Turissem crescher», ha ditg il president da Surselva Turissem, Marcus Caduff.

«Igl è ina schanza da far or da la Surselva ina unitad», uschia Caduff. «Mo sche nus essan sco ina destinaziun, crai jau, avain nus era la forza sin la fiera ed avain uschia era ina tscherta muntada en l’entira petta turistica.»

Nagut concret anc

Marcus Caduff vesa cunzunt la schanza da far products communabels en l’entira regiun e da vender quests communablamain. Concret n’è però anc nagut sin maisa.

La gievgia era vegni enconuschent che la vischnanca da Tujetsch ha visà il contract da prestaziun cun Sedrun Mustér Turissem.

Artitgels legids il pli savens

Scrollar a sanestra Scrollar a dretga