Siglir tar il cuntegn

Header

cuntegn

Surselva Elecziuns en Lumnezia: I manca candidats

Per ils 8 posts en suprastanza datti 7 candidats. E per il cussegl da scola mancan 2 persunas.

La vischnanca Lumnezia è dapi 4 onns fusiunada. Ils 25 da settember vegn per la secunda giada elegì ils funcziunaris per quella vischnanca. In president, 8 suprastants, 3 per la cumissiun da gestiun e 4 per il cussegl da scola.

Nagin tema èn la cumissiun da gestiun ed il president da vischnanca. Per quels posts candideschan ils vegls titulars d'uffizi per ina ulteriura perioda.

La chasa da Scola da Vella
Legenda: Cusseglier da scola da la Lumnezia - in post che nagin vul. RTR, L. Livers

Per il cussegl da scola mancan 2 persunas. Quai chaschuna in pau rumpatesta al president Duri Blumenthal. El manegia, che quella elecziun en il cussegl da scola saja insatge nov per la Lumnezia. Surtut la procedura da stuair candidar saja in zic speziala e forsa n'hai era perquai betg dà candidats.

Per ils 8 posts en suprastanza datti 7 candidats. Tenor il modus d’elecziun da la vischnanca Lumnezia stuess mintga fracziun (anteriura vischnanca) tschentar in candidat. Per 6 fracziuns candideschan ils vegls. Sper quels datti mo in candidat nov; il giuven Martin Sgier.

audio
Mezdi: Prevista elecziuns Lumnezia
ord Actualitad dals 08.09.2016.
laschar ir. Durada: 3 minutas 49 Secundas.

Quest nov candidat deriva da la fracziun Lumbrein nua ch'era il candidat vegl candidescha per ina ulteriura perioda d’uffizi. Quai vul dir che quel da Lumbrein che fa las pli bleras vuschs è elegì. L'auter po forsa surprender il post per in'autra fracziun che n'ha insumma nagin candidat, sco per exempel Vignogn u Vrin.

Artitgels legids il pli savens