A Tschuppina a l'ur dal vitg da Breil encunter la plazza da Golf, sa chatta l’exposiziun da biestga da la Cadi. Ina culissa magnifica encunter il pez Tumpiv e là vegn elegida la miss «Tumpiv».
Ord 76 vatgas e gianitschas è la gianitscha da Gaudenz Cathomen la «Cadonau's Fantastiv Joly» vegnida elegida la sonda vargada sco miss Tumpiv.
A Breil vegn l’exposiziun festivada sco ina festa populara, pur e betg purs èn sin il plaz ed i vegn gentà e fatg viva. En il rintg vala be il parairi dals experts, ordadora il rintg vala quai che plascha.