Siglir tar il cuntegn

Header

Il lai da Fontanivas cun prà enturn e guaud.
Legenda: Il lai da Fontanivas. RTR, Gionduri Maissen
cuntegn

Emissiun da Mustér Istorgias ed istorginas da la vita da camping

RTR mussa la vita da campers sin il campadi Fontanivas a Mustér e tge sfidas ch'i dat cun ils vehichels.

Actualmain è il campadi a Mustér plain e radund 700 persunas chattan il mument lur da chasa en tendas, rulottas e mobils. Quai è per blers il pli bel temp dal onn. E mintgin ha sias preferientschas. Ils ins han in bus pitschen e dorman dasper en tenda, ils auters han ina gronda rulotta cun tenda davant ed uschia in pitschen da chasa sin rodas.

Sin in campadi datti era adina bler da far per tegnair en urden tut. Saja quai da segar, ir cun il rument u da gidar da parcar ils vehichels. Tge che quai munta, raquinta Armin Manetsch:

audio
Armin Manetsch mira dals campers
ord Actualitad dals 27.07.2022.
laschar ir. Durada: 7 minutas 57 Secundas.

Dus bus da VW, in vegl – in nov

Duas famiglias cun bleras parallelas. Omadus han trais uffants e omadus han in bus pitschen ed ina tenda. Ma ils bus han differentas annadas. Uschia è il bus da la famiglia Kunz dal chantun Berna nov da quest onn e l’auter, quel da la famiglia Blumer ha gia fatg blers kilometers. Ma las sfidas ed ils plaschairs da las duas famiglias che fan vacanzas da campar èn sumegliants.

audio
Campadi Fontanivas: famiglia Kunz ha midà da la tenda sin il bus
ord Actualitad dals 27.07.2022.
laschar ir. Durada: 4 minutas 41 Secundas.
audio
Campadi Fontanivas: famiglia Blumer è da viadi cun in bus da l'annada 1973
ord Actualitad dals 27.07.2022.
laschar ir. Durada: 6 minutas 22 Secundas.

Il pli grond mobil

La famiglia Krummen or dal chantun Friburg ha il mument il grond mobil sin il campadi a Fontanivas. Els raquintan sur da las sfidas da metter sut tetg l’auto l’enviern.

audio
Famiglia Krummen cun il pli grond mobil sin plaz
ord Actualitad dals 27.07.2022.
laschar ir. Durada: 2 minutas 52 Secundas.

Fittar in camper – u cumprar el?

Cumprar in busin da campar u era in pli grond, munta ad ina gronda investiziun. Radund 80'000 francs ston ins quintar per in model cun in pau equipament. Blers sa decidan perquai da l'emprim empruvar ora in tal vehichel durant in per emnas e fittar quel. Remo Huonder da Mustér porscha in tal service. Specialmain durant il temp da corona haja el sentì il boom, uss saja la dumonda ida enavos in zic. Blers tschertgian uss dentant in plaz per laschar ils vehichels sut tetg l'enviern.

audio
Remo Huonder: Cumprar il camper u prender a fit?
ord Actualitad dals 27.07.2022.
laschar ir. Durada: 7 minutas.

Campar cun rulotta

audio
La famiglia Held è gia stada in zic dapertut
ord Actualitad dals 27.07.2022.
laschar ir. Durada: 4 minutas 30 Secundas.

La famiglia Held, ch’è sin viadi cun la rulotta, è gia stada in zic dapertut. Il pli lunsch era l’Ollanda, ch’ha plaschì fitg perquai ch’ils ollandais sajan ils experts da campar. Là hajan ils plazs da campar tut quai ch’ins po s’imaginar. Els èn vinavant gia stads en il Schwarzwald, en Svizra, ed en l’Italia. Il grond siemi da la famiglia saja dad ir insacura ina giada fin Scandinavia.

Tschertgar aur en il Rain

Dani dal Zugerland chava aur gia dapi 20 onns. El vegn mintg'onn si Mustér per far vacanzas e tschertgar aur en il Rain, ma el va era en auters lieus en Svizra per tschertgar. Ins na vegnia betg ritgs ma i saja in bun hobi sper la lavur dal mintga di, di el.

audio
Dani dal Zugerland tschertga aur en il Rain
ord Actualitad dals 27.07.2022.
laschar ir. Durada: 4 minutas 24 Secundas.

RTR actualitad 11:00

Artitgels legids il pli savens

Scrollar a sanestra Scrollar a dretga