Siglir tar il cuntegn

Header

Accident da lavur tar sutgera.
Legenda: Accident da lavur. mad
cuntegn

Emploià da las pendicularas Accident da lavur a Rueras

A Tujetsch, a la staziun a val da la sutgera da Mulinatsch, è in emploià da las pendicularas sa blessà vi da la bratscha. Pervi da l'aura n'ha il helicopter betg pudì sgular uschia ch'ins ha transportà il blessà cun ina schlieusa a motor fin a Dieni e silsuenter cun l'ambulanza en l'ospital a Glion. Quai ha communitgà la Polizia chantunala dal Grischun.

L'accident è succedi cura che l'um da 59 onns era sin ina stgala per unscher il chargiaterra. L'um è crudà da trais meters autezza par terra. Il blessà ha pudì clamar sez il servetsch da salvament. El è sa blessà lev vid omadus bratschs.

RTR novitads 12:00

Artitgels legids il pli savens

Scrollar a sanestra Scrollar a dretga