Siglir tar il cuntegn

Header

Navigaziun

cuntegn

Emprim di da pestga Sin viadi cun il guardiapestga

Roland Tomaschett controlla ils pestgaders durant l'entir di. RTR accumpogna el sin sia tura. Sco emprim controlla el a Tavanasa.

Sia lavur ha cumenzà gia avant las sis. L'emprim di da pestga saja pel guardiapestga adina fitg interessant.

I na va betg mo per controllar, dentant era per sentir in pau il puls dals pestgaders.
Autur: Roland TomaschettGuardiapestga

Il guardiapestga controlla sch'ils pestgaders sa tegnair vi da las prescripziuns da lur hobi. Quai vul dir:

  • la grondezza minimala dal pesch 24cm
  • crutschs senza cuntracrutsch
  • la patenta
  • respectar zonas da protecziun
  • maximal sis peschs per pestgader e di

Tar sias controllas a Tavanasa saja tut en urden, pestgadras e pestgaders sa tegnan vi da las prescripziuns. Nua ch'el va sco proxim a controllar na tradescha el dentant betg.

Legenda: Guardar il video Sin viadi cun il guardiapestga . Durada 03:31 minutas.
Or da Telesguard dals 01.05.2019.

E voss emprim di da pestga?

Tramettai a nus vossas impressiuns sin multimedia@rtr.ch, il link avra en ina nova fanestra

Nus ans legrain sin mintga fotografia!

Schon trais peschs

A Tavanasa pestga era Helga Camenisch. Ella han schon gì grond success: trais peschs entaifer las emprimas uras. «Jau hai gì fortuna ch'ils peschs eran an dretg lieu», manegia ella. Il bun lieu da pestga ha tschernì il figl dad ella. Quel ha perfin pernottà al lai per reservar il bun lieu.

RR actualitad 07:00