Siglir tar il cuntegn
Inhalt

Surselva Emprim'exposiziun da Land Art en la Val Stussavgia

La fin zercladur ha gì lieu a Tenna la «Alps Art Academy», in'emna tematica cun il tema Land Art. 30 students d’art ed artists da l'entir mund han creà durant quest temp otg differentas sculpturas en l’entira Val Stussavgia.

L’exposiziun cumpiglia otg differentas ovras d’art ch’èn repartidas sin l’entira Val Stussavgia. Uschia sa chatta ina gronda ballabaina da lain (Noah’s Song / Raumlabor) sper il Rain Anteriur datiers da Versomi ed entadim la Val Stussavgia è vegnida construida ina scantschala da muntogna (Bergkanzel / Com&Com).

En il conturn da Tenna sa chattan gist quatter ovras d’art. Tranter auter ha era il runal solar survegnì ina nova funcziun. Actual èn pendì 35 emoticons ed auters simbols da la cultura digitala vid ils artgs dal runal. Ins po quasi visitar ina galaria da maletgs senza stuair sa mover.

Ovra d’art e center d’infurmaziun

A Tenna sa chatta era il «Pavillon Art Safiental». Quest local è vegnì endrizzà da participants da la Alps Art Academy. El n’è dentant betg mo ina bar, mabain era il center d’infurmaziun per l’exposiziun e punct da partenza per ir a visitar las ovras.

RR actualitad 11:00