Ina skizza da project per il festival da la chanzun rumantscha è sin maisa. Quel è dals 15 – 17-03-2019 a Trun. Venderdis saira èn chantauturs sin tribuna, sonda datti chant en famiglia, chant avert, concerts e plinavant vegni preschentà novas cumposiziuns da chors. Dumengia va il festival a fin cun la chanzun d’art rumantscha. Il festival va en roda en ils territoris linguistics rumantschs.
Scuntrada interrumantscha
Ils iniziants da questa scuntrada interrumantscha èn Clau Scherrer, Giusep Giuanin Decurtins e Flavia Walder. Ina finamira saja era d’animar cumponists giuvens da scriver chanzuns, di Clau Scherrer. Las cumposiziuns na duain dentant betg esser elitaras ed en quest senn na vulan els era betg far concurrenza ad autras festas da chant.
Suprastanza è elegida
En suprastanza da l’uniun «La chanzun rumantscha» èn Clau Scherrer (president), Flavia Walder (actuara) ed Iris Cadalbert (finanzas). Ils proxims pass e termins èn:
- 30-10-2016: Emprima seduta da la suprastanza e dal comité festival 2019.
- atun 2017: Concept da detagl, preventiv e plan da finanziaziun festival 2019.