Il concern d’energia Repower ha surpassà las spetgas l’emprima mesadad da l’onn, quai malgrà la crisa da corona: Il resultat operativ saja s’augmentà per 21% sin 68 milliuns francs. Il gudogn saja sa reducì per 16% sin 41 milliuns francs – cumpareglià cun l'emprim mez onn da l'onn passà. Quai ha communitgà il concern grischun.
Plinavant haja la Repower augmentà las investiziuns per 157% sin 54 milliuns francs. La gronda part da questas investiziuns ha il concern d'energia fatg en l'Italia cun acquirir dudesch ovras fotovoltaicas existentas.
Repower occupescha actualmain radund 550 emploiads. Per l’entir onn da fatschenta na fa il concern naginas prognosas davart il resultat. Quai pervi da las malsegirezzas actualas en connex cun la crisa da corona.
