Surselva - «en 80 dis enturn il mund» – las rollas èn repartidas - Novitads

Surselva «en 80 dis enturn il mund» – las rollas èn repartidas

Las emprovas per il musical «en 80 dis enturn il mund» han cumenzà la dumengia passada a Vella. Las giuvnas ed ils giuvens acturs han survegnì lur rolla, uschia che Phileas Fogg che va enturn il mund po uss er sa fermar en Lumnezia.

Autur: Reto Pfister

Ina gruppa da giuvenils che sesan e taidlan. Davant en il maletg sa chatta in clavazin.

Il reschissur Roland Körner ed il menader musical Claudio Bezzola.

Ina giuvna dunna chanta avant ina gruppa da giuvenils che sesan ed il reschissur.

20 giuvenils da la Surselva èn s'inscuntrads per l'emprima emprova dal musical a Vella. Il pensum dal reschissur Roland Körner è lura stà da reparter las rollas a las acturas ed als acturs.

Il dumber d'acturs è optimal. Uschia che mintgin ha sia rolla e nagin il sentiment d'esser danvanz.

Autur: Roland Körner reschissur dal musical «en 80 dis enturn il mund»

Chattar avunda giuvenils che vulan sa participar a quest musical n'è betg stà simpel. Tuttina è il president dal comité d'organisaziun, Daniel Blumenthal persvas che l'ovra daventa in success.

Quai n'è betg stà simpel! Forsa avain nus il mument en la Surselva in zic scart cun giuvenils che fan musica, che sautan e fan teater. Impurtant è dentant che nus pudain inscenar quest musical e gliez è il cas.

Autur: Daniel Blumenthal president dal comité d'organisaziun