Siglir tar il cuntegn

Header

Avant dretgira (maletg da simbol).
Legenda: Ils dubis sajan ferms che la chaussa saja succedida sco descrit, la dretgira ha perquai decis en dubi per l'accusà (maletg da simbol). Keystone
cuntegn

En dubi per l'accusà Dretgira regiunala valitescha plevon da Tujetsch sco innocent

Avant in onn e mez è il plevon da Tujetsch vegnì en arrest d'inquisiziun, uss al valitescha la dretgira regiunala sco innocent.

L'anteriur plevon da Tujetsch na vegn betg sentenzià pervi da violaziun e sforz sexual repetì. Sco la gasetta «Südostschweiz am Wochenende» scriva, haja la dretgira regiunala Surselva decis en dubi per l'accusà . Che la chaussa saja propi succedida sco descrit en l'acta d'accusaziun, dubitescha la dretgira fermamain. In recurs è pussaivel. Tenor l'acta pertutgan ils fatgs sexuals ina relaziun dal plevon cun sia chasarina durant l'onn 2017.

Indemnisaziun da satisfacziun

La dumonda per indemnisaziun da satisfacziun da l'accusadra privata è vegnida renviada sin via civila e la dumonda d'indemnisaziun da process refusada. Il plevon obtegn ina satisfacziun da 4'000 francs. Ils custs da procedura da total 45'00 francs van a quint dal chantun e da la cassa da dretgira.

Ord l'archiv

La novitad che il plevon da Tujetsch è vegnì arrestà curt avant Tschuncaisma, è stà ina surpraisa per la populaziun da Tujetsch. Ch'els n'èn betg vegnids orientads ord lur atgnas retschas mabain da las medias da l'arrestaziun, ha fatg surstar il Tuatschins.

RTR novitads 09:00