Siglir tar il cuntegn

Surselva En ils cedels da votar da la Lumnezia valaivels?

Ils cedels da votar èn Lumnezia en repartids, ed els procuran per discussiuns. Tenor ils iniziants che vulan abolir il tempo 30 en las fracziuns da Cumbel e Degen n'è la dumonda sin il cedel da votar betg correcta, gea ella irriteschia las votantas ed ils votants.

La via dentar duas chasas ora a Cumbel e uschia stretga che be in auto ha plaz
Legenda: La stretga da Cumbel nua che tempo 30 vala anc RTR, L. Livers

La dumonda sin ils cedels da votar è sco suonda: «Vulais vus instradar la procedura per abolir tempo 30 entaifer la vischnanca Lumnezia». Alura pon ins dir gea u na sin quella dumonda.

Gionin Caduff, in dals iniziants, sa dumonda daco che la formulaziun n’è betg mo simplamain la dumonda «Vulais vus acceptar l’iniziativa che vul abolir il tempo 30». Tenor Duri Blumenthal, il president da vischnanca da la Lumnezia, n’è la decisiun gea u na tempo 30 betg els mauns da la vischnanca. E perquai saja la formulaziun era uschia, che las votantas ed ils votants san davart tge ch’els voteschan.

La vischnanca da Lumnezia ha laschà sclerir giuridicamain, sche sia dumonda saja correcta. Ils iniziants che vulan abolir tempo 30 n’excludan betg, d’eventualmain trair il cas avant dretgira.