La terza etappa per engrondir la deponia da Plaun Grond a Rueun ha cumenzà ils 20 d'avrigl. Uschia possia la dismessa da rument da la Surselva vegnir garantida per ulteriurs decennis. Quai ha communitgà la Regiun Surselva
La deponia da rument a Rueun vegn ad esser emplenida dal tut il 2021. Perquai èsi stà necessari da cumenzar cun la terza etappa d’engrondiment.
Quella terza etappa cumpiglia ina surfatscha da circa trais plazzas da ballape e vegn la finala a porscher plaz per passa 300'000 tonnas rument dals tips D e E. Quai è rument sco tschendra da la brischera a Trimmis u er material da stgavar ed asfalt.
En tut vegn investì 6,5 milliuns francs. Las lavurs vegnan fatgas senza ch’il manaschi actual sto vegnir interrut. Ellas duain esser terminadas la fin da l'onn.
