Damai che tut las lubientschas sajan uss avant maun, hajan els dà liber il credit da var 6,8 milliuns francs per engrondir la deponia Plaun Grond. Quai communitgescha la conferenza dals presidents da la Regiun Surselva.
La finanziaziun succeda sur las reservas da la Regiun Surselva, uschia che las vischnancas na ston betg sa participar vid ils custs.
Fin la fin da l'onn duai la deponia star a disposiziun. Quella serva lura per deponer luadiras ed autras materias restantas, che na pon betg vegnir en ina deponia per materias inertas, sco la Regiun Surselva scriva.
audio
Per tadlar: Las novitads da las 16.00
ord Novitads dals 26.02.2020.
Maletg: RTR
laschar ir. Durada: 3 minutas 31 Secundas.
RTR novitads 16:00