Sco vischnanca possian els betg far insatge encunter quai che la lavur daventa pli stgarta, di Wendelin Casutt, il president da vischnanca da Falera.
Ussa è Falera londervi da reveder la zona da bajegiar e la lescha da bajegiar. Entaifer questa revisiun hajan els inoltrà al chantun la dumonda da prender ord la zona da bajegiar 4 parcellas e metter questas en zona per indigens. Sco quai che Wendelin Casutt di, saja quai la suletta promoziun che la vischnanca possia far, per la branscha da bajegiar.
La zona d'hotels da Falera, enturn l'hotel la Siala, è gia approvada e l'hotel po vegnir engrondì. Per l'Hotel la Mutta ch'è en planisaziun vesi ora uschia che la vischnanca emprova da far la midada da zona correspundenta, per che era quest hotel possia vegnir realisà.
