Surselva - Ensemen la mesadad dals daners per la baselgia claustrala
L'avat da Mustér, Vigeli Monn, ha gia rimnà 7,5 milliuns francs per la renovaziun da la baselgia claustrala. Quai ha l’avat confermà visavi la pagina d'internet kath.ch. Ils custs totals èn calculads cun enturn 15 milliuns francs.
Dapi l'october da l'onn passà è la claustra benedictina vi da rimnar ils daners per renovar la baselgia da Sogn Martin. Ensemen cun ils daners che la claustra po spetgar dal chantun e da la Confederaziun e las empermischuns fatgas gia ussa, saja la mesadad gia ensemen, ha ditg l’avat da la claustra da Mustér.
