Siglir tar il cuntegn

Header

Navigaziun

Ina camona en l'envern cun bler naiv.
Legenda: La chamona da Maighels en l'enviern. MAD
cuntegn

Surselva Er las chamonas da CAS èn serradas

Il Grischun è cuvert cun naiv, uschia er la chamona da Maighels. Ils guardiachamona han per il mument stuì turnar en la vallada.

Dapi la fin d'emna èn grondas parts dal Grischun cuvert cun naiv. Uschia er la chamona da Maighels. Perquai èn era ils guardiachamona, Mauro Loretz e Nora Honegger, sa decidì da turnar enavos en la vallada.

Restads fin la fin

La sonda passada, cura ch'i naveva, avevan ils guardiachamona anc gì giasts sin la tegia. «Sch'i cufla ed ins vesa dadora mo alv, lura è quai propi insatge spezial» di Mauro Loretz. Els avevan dentant suenter guardà sin las prognosas da l'aura, sco era sin il bulletin da lavinas, ed eran uschia vegnì a la decisiun ch'i saja meglier da turnar en la vallada. La dumengia en damaun èn els lura viandads engiu. Radund in meter naiv nova hai dà tenor Nora Honegger.

Turnar uschè svelt sco pussaivel

Ussa spetgan els giu sco che la situaziun sa sviluppescha. Tenor Nora Honegger vulan ins empruvar da returnar sin la chamona il venderdi. Tutta cas vegni er a dar bler da far. Tranter auter far fastizs e bittar ora naiv enturn la chamona.

RR actualitad 07:00