Siglir tar il cuntegn

Header

Navigaziun

Anja Beivi, manadra da Surselva Turissem cun dossier da candidatura.
Legenda: La candidatura per il champ federal 2021 è inoltrada. Anja Beivi, manadra da Surselva Turissem. RTR; Esther Berther
cuntegn

Surselva Era la Surselva vul ils battasendas per il champ federal 2021

Suenter Samedan è ussa cler, era la Surselva ha inoltrà ina candidatura per il «BULA21», quai è il champ federal 2021 cun enturn 25'000 battasendas.

Questa primavaira ha Surselva Turissem SA udì ch'ins possia inoltrar ina candidatura per il champ federal da battasendas. Sin l'idea da far quella haja ella survegnì tras a tras bunas reacziuns ord la regiun, di Anja Beivi – la manadra da Surselva Turissem SA.

Ins pudess demussar a la regiun che ins po fascinar ils giuvens per la natira.
Autur: Anja BeiviMenadra Surselva Turissem

64 paginas cumpiglia la candidatura. Plirs protagonists èn involvads. Uschia fiss la regiun per il champ davent da Trin enfin a Vuorz per lung dal Rain. Ina gronda plazza da gieu d'aventuras saja pussaivla en questa regiun, di Beivi. L'organisaziun fiss era ina sfida ord vista logistica e l'infrastructura.

Tenor ils organisaturs per il champ sajan bunamain 20 dossiers vegnids inoltrads. Enfin l'atun vegnan quels ussa evaluads.

RR actualitad 17:00