Nua ch'ins sa volva a Laax chatt'ins in chanaster da rument u schizunt entiras staziuns da reciclar. Era a Crap Sogn Gion-Plaun na ves'ins nagin rument per terra. E tuttina fetschia quai senn d'esser a Laax e far attent sin il problem da littering, manegia Cédric Québatte, manader da team da la cuminanza d'interess ambient schuber.
Natiralmain datti bleras pussaivladads per dismetter rument en il territori da skis a Laax. La problematica da littering è dentant tut quai rument ch'ins perda u ch'ins emblida sin la pista.
Uschè spert sco la naiv svanescha vegn il rument nanavant. Per exempel stumbels da cigarettas, fermagls da chavels, cartas da skis, cremas da sulegl, faziels, tirastruvas, material d'emballadi da maglia.
As ti forsa insatge rument en tes satgs da las chautschas? Uschia vegnan ils ambassadurs èn contact cun giasts ed indigens.
L'acziun plascha
I saja fitg impurtant che giuven e vegl emprendia puspè ch'ins na dastgia betg simplamain laschar il rument en la natira. Super ch'ins sensibiliseschia, uschia ch'i dettia forsa pli pauc rument, ina giada che la naiv svaneschia. Era ils fimaders duaian salvar las cigarettas en in tschendrer da tastga.
Nus avain mo in mund. Jau hai dus uffants pitschens, nus stuain cumenzar tar nus sezs.
En il lieu idillic, en la natira, en ils culms e la naiv saja la glieud pronta da studegiar sur dal tema rument en la natira, di Cédric Québatte.
RR actualitad 08:00