Siglir tar il cuntegn
cuntegn

Surselva Esther Koch e Gabriel Beeli en suprastanza da Medel

Votantas e votants da la vischnanca da Medel han elegì la suprastanza. Il president Peter Binz sco era Marius Flepp e Giusep Flepp èn vegnids reelegids. Nov en suprastanza èn Esther Koch e Gabriel Beeli.

Curaglia en la vischnanca da Medel
Legenda: Curaglia en la vischnanca da Medel RTR, h. Giger

Il president Peter Binz ha survegnì 151 vuschs (da 163 valaivlas). Ils commember da suprastanza veders en medemamain vegnids reelegids cleramain, Marius Flepp cun 142 e Giusep Flepp cun 133 vuschs. Ils novs Esther Koch e Gabriel Beeli han survegnì 73 respectiv 39 vuschs da mintgamai 166 valaivlas.

En l'instanza da bajegiar èn vegnids elegids Damian Bundi (nov), Victor Venzin (veder) ed Alfons Venzin (veder).

En la cumissiun da gestiun: Martin Bearth (veder), Augustin Venzin (veder), Daniel Bundi (nov).

En il cussegl da scola: Arnold Flepp (veder) e Sabine Venzin (veder).

RR novitads 12:00