Siglir tar il cuntegn

Header

Marcus Beer, il dierctur da la Scola media mercantila F. Senti, E. M. Eberle e L. Schlosser students/a, davostiers il scolast Roman Müller e davant Ladina Heimgartner, directura RTR.
Legenda: Marcus Beer, il dierctur da la Scola media mercantila F. Senti, E. M. Eberle e L. Schlosser students/a, davostiers il scolast Roman Müller e davant Ladina Heimgartner, directura RTR. RTR, Linus Livers
cuntegn

Surselva «Eventplaner» – Ina app per organisar il temp liber

Chalender d’occurrenzas, la app per la giuventetgna è accessibla e vegn anc perfecziunada.

La chasa da medias RTR è adina interessada tge che marscha cun la generaziun digitala. Perquai ha RTR tschertgà ina scola ch’è abla e pronta da collavurar. L’incumbensa è stada da crear ina app che cumplettescha la purschida da RTR, ina app rumantscha.

La classa H 14 da la scola media è la finala stada la classa che ha surprendì quella incumbensa. Els han creà ina app per rimnar e derasar termins d’occurrenzas en la Rumantscha. Igl uschenumnà «Eventplaner» è gia accessibels dentant mo cun ils telefonins d'Android. Il chalender d’occurrenzas ch'ils scolars e las scolaras han creà, pudess daventar in agid per bain inqual uniun che organisescha chaussas publicas.

RTR sustegn ils studets

Per pudair sviluppar vinavant e perfecziunar la app ha Ladina Heimgartner, la directura da RTR, empermess vinavant agid per la classa da la H 14. Ils trais scolars che han preschentà lur applicaziun durant la ILHGA, Elia Manuel Eberle, Fabio Senti e Lilian Schlosser, èn tuts da la opiniun che la lavur ch’els han prestà entaifer in'emna n'è anc betg finida, ma i saja gia in partenza che sa laschia vesair.

Gia els onns 70 vegniva discurrì da coordinar meglier las occurrenzas tranter las differentas uniuns. Uschia ch’ins po dir che quest project cun la app per planisar il temp liber è sin buna via ed ha franc era anc in zic peda da vegnir perfecziunà.

RR actualitad 06:00

Artitgels legids il pli savens

Scrollar a sanestra Scrollar a dretga