In da quels exchavaturs tutga a la «Kies SA Bonaduz». Datiers da La Punt, gist avant ch’il Rain Anteriur sa reunescha cun il Rain Posteriur. En quai lieu extira il producent da crappa e glera dapi 50 onns material ord il Rain. Il chantun ha dà la lubientscha da explotar 7'000 tonnas material l’onn, quai èn circa 580 camiuns material.
Material da buna qualitad
La crappa e glera dal Rain è d’ina buna qualitad, di igl anteriur manader da fatschenta Walter Capatt. In ulteriur avantatg saja che quai material na stoppia betg vegnir schubregià avant d’elavurar el vinavant. Uschia spargnian els temp e daners. Las lavurs vegnian fatgas tranter favrer e fin avrigl, cura ch’il Rain haja pauca aua.
Lubientscha fin 2022
La lubientscha actuala da la «Kies SA Bondauz» è vegnida prolungada avant 3 onns ed è valaivla enfin l’onn 2022. Lura vegn il chantun ad analisar da nov la situaziun e decider, sche la lubientscha vegn prolungada danovamain.
