Siglir tar il cuntegn

Header

video
La dezonaziun, trais famiglias a Rueun na pon il mument betg bajegiar
Or da Telesguard dals 14.09.2021.
laschar ir
cuntegn

Exempel Rueun Quartier da generaziuns, franà da la planisaziun dal territori

Zona da planisaziun e maletg directiv da la vischnanca da Glion daventan obstachel per trais giuvens da Rueun.

Il maletg directiv da la vischnanca da Glion vul che la parcella daventia ina parcella verda. La zona da planisaziun ha mess il det sisur ed ussa è la parcella da bajegiar bloccada.

audio
Zonas da bajegiar: 3 giuvens da Rueun na dastgan betg bajegiar
03:19 min, Actualitad dals 14.09.2021.
laschar ir. Durada: 03:19 minutas.
Quels che han planisà il maletg directiv han gì questa idea da far ina zona verda ord quella parcella, jau na sai betg tge relaziuns che quels han tar noss vitg da Rueun.
Autur: Aurelio Valaulta Bab da famiglia da Rueun

Quai è la situaziun sco ella sa preschenta per Jan e Joris Tomaschett ed Aurelio Valaulta da Rueun. Els trais vulan realisar trais chasas d'ina famiglia sin quella parcella che tutga tar l'ierta dad Aurelio Valaulta. Quai pudess tenor els daventar in quartier da generaziuns a Rueun. Lur geniturs vivan sura e sut quella parcella che sa chatta en ina plaunca en il vitg da Rueun.

audio
Zonas da bajegiar: Daco nagina lubientscha
03:24 min, Actualitad dals 14.09.2021.
laschar ir. Durada: 03:24 minutas.

Entras la planisaziun dal territori ch'è in project che l'entira svizra sto realisar èn els vegnids en las stretgas. Ditg simpel, la planisaziun dal territori cumonda che las zonas da bajegiar vegnian adattadas al svilup. Il territori agricul duai vegnir protegì, ed ils vitgs e las citads duain vegnir sviluppads vers l'intern e betg vers l'ur.

Ord vista persunala poss jau chapir ch'els trais èn trumpads, perquai ch’els han stuì sistir lur project per il mument. L'obligaziun da la vischnanca è dentant da far questa lavur sur l’entira vischnanca or e quai vul dir reducir zonas da bajegiar.
Autur: Carmelia Maissen Presidenta communala da Glion

Project sistì

Il mument è il project dals trais giuvens sistì. Ad els na resta nagut auter che spetgar tge che vegn decidì da la vischnanca e tge che vegn la finala en votaziun. La decisiun tge parcellas da bajegiar che vegnan stritgadas na saja anc betg crudada, di Carmelia Maissen la presidenta da la vischnanca.

RTR actualitad 07:00

Artitgels legids il pli savens

Scrollar a sanestra Scrollar a dretga