Siglir tar il cuntegn
Inhalt

Surselva Experts sa distanzieschan dals plans per nov hotel Therme

A Val Son Pieder sa distanzieschan intgins experts, che s'occupan dals plans per in nov hotel da 5 stailas, da Remo Stoffel e Pius Truffer. Sco quai che las gasettas grischunas rapportan, n'hajan els proponì nagin project, era betg quel da l'architect american Thom Mayne.

Hotel cun balcuns davos in mussavia tar la Therme ed il hotel Therme.
Legenda: L'emna passada era la giuria sa decidida da laschar planisar l'architect american Thom Mayne ilnov hotel da la Therme. RTR, S. Monn

I dettia considerabels segns da dumonda en connex cun la formulaziun architectonica e l'integraziun en la situaziun speziala dal lieu, scrivan ils architects participads en ina communicaziun. L'emna passada era vegnì communitgà che la giuria saja sa decidida per il project da l'architect da Los Angeles, Thom Mayne.

Decis en atgna reschia?

Ils patruns dal project per il nov hotel Remo Stoffel e Pius Truffer hajan decis en atgna reschia davart la surdada dal project, uschia ils experts.

Tadao Ando avess gi da surpigliar direcziun

Il matg 2014 aveva 7132 SA sco proprietaria dal hotel Therme decis da laschar far in studi per la construcziun nova d’in hotel da luxus. Las architectas ed ils architects avevan decis da collavurar en il gremi. Planisà era che l’architect Tadao Ando surpiglia la direcziun dal gremi. Pervi da motivs da sanadad n’haja Ando dentant betg pudì sa participar a las discussiuns, uschia che l’architecta Louisa Hutton haja surpiglià la direcziun.

Nagin cler victur

La fin da december eran anc 3 dals 8 projects en la cursa. Er suenter in’ulteriura cussegliaziun, na sajan ins betg sa decidids per in cler victur. Memia bleras dumondas impurtantas erian anc avertas, uschia ils experts.

RR novitads 06:00