Siglir tar il cuntegn

Header

cuntegn

Exposiziun d’art a Rueras 99 vatgas cotschnas ed ina naira

Hubert Venzin è dapi onns in passiunà artist. Cumenzà ha tut cun la pictura e lura ha el era chattà l’arschiglia – e dapi lez temp fa Hubert Venzin figuras da tuttas sorts or d'arschiglia.

Finamira – exponer en il museum d’art a Cuira

Gia avant in pèr onns era Hubert Venzin sa participà a la concurrenza dal Museum d’art a Cuira, lezza giada cun trais maletgs. Ma cun pictura saja en spezial grev da vegnir tschernì per l’exposiziun, di Hubert Venzin. Perquai haja el questa giada empruvà da far in'ovra che croda en egl, d’ina vart cun la colur cotschna e da l’autra vart cun la tematica. Ma il museum d'art a Cuira n'ha betg tschernì l'ovra da Hubert Venzin, uschia ch'ella n'è betg da vesair el museum grond.

Exponidas a Rueras

Uss sajan las 99 vatgas cotschnas e la suletta naira exponidas en l’atelier a Rueras. E cun temp e peda vegni forsa a dar ina soluziun u in cumprader per l’ovra, accentuescha l’artist tujetschin.

RTR actualitad 11:00

Artitgels legids il pli savens

Scrollar a sanestra Scrollar a dretga