Siglir tar il cuntegn

Header

cuntegn

Exposiziun Museum La Truaisch La poppa emblidada u il paster che durmiva

Mia istorgia preferida: Uschia sa numna ina exposiziun en il Museum La Truaisch a Sedrun. Abitants da Tujetsch han purtà las fotografias. Quellas èn vegnidas engrondidas ed accumpagnadas dad in text che raquinta istorgias ed episodas or la vita dals protagonists.

Emblidà la sora pitschna

Ina fotografia mussa ina poppa en ina charrotscha. I sa tracta da Claudia Berther che aveva alura 9-10 mais. La mamma aveva lubì als trais figls da prender la pitschna Claudia cun els. Ils mattatschs eran i en il guaud per far gieus. Mo els eran returnads a chasa senza la sora, els avevan emblidà ella. La finala han ils geniturs e fragliuns dentant chattà ella.

Claudia Berther
Legenda: Claudia Berther Tarcisi Hendry, Claudia Berther

Plaschair cun ses vestgì nov

Era Barla Monego ha purtà ina fotografia, nua ch’ella era pitschna. Ella sa preschenta cun dus onns en ses vestgì nov. Quel aveva ella survegnì da las cusrinas che stevan a Berna e tramettevan adina vestgadira.

Barla Monego
Legenda: Barla Monego Tarcisi Hendry, Barla Monego

Levas la damaun da la 04.00

Manuel Berther raquinta da ses temp si d’alp en connex cun ina fotografia da 1951. Là aveva el 13 onns ed era gist vid mulscher ina vatga. Sco paster pitschen stueva el mulscher 18 vatgas e levar la damaun da las quatter. Perquai pudeva quai capitar ch’el sa durmentava mintgatant durant il di.

Manuel Berther ad alp
Legenda: Manuel Berther ad alp Tarcisi Hendry, Manuel Berther

La mamma cun la farcla

Mario Hitz ha ina fotografia che mussa sia mamma, la Rosa. Ella è giuvna e porta ina farcla ed ina spia enta maun. I saja ina fotografia speziala ch’ins veva fatg per ina reportascha en ina gasetta. I saja ina bella regurdientscha da sia mamma.

Rosa Hitz
Legenda: Rosa Hitz Tarcisi Hendry; Mario Hitz

RR actualitad 08:00

Artitgels legids il pli savens