Falera - Accident mortal cun ina moto

A Falera è in um dad 82 onns sa disgrazià mortalmain cun ina moto. Mardi da mezdi era el da viadi sin la via principala da Laax vers Falera. En ina storta sanestra saja el collidà cun l'ur dal trottuar da la vart dretga, e cupitgà, scriva la Polizia chantunala. L'um blessà ha la Rega sgulà en l'Ospital chantunal a Cuira nua ch'el saja mort pauc pli tard.