Siglir tar il cuntegn

Header

cuntegn

Falera Il resort «La Mutta» duai vegnir realisà cun ina SA

La vischnanca da Falera vul fundar la societad d'aczias «La Mutta AG» per sviluppar il project «La Mutta». Quai vul ella far ensemen cun l'Arena Alva e la Blauhut AG, sco infurmà mesemna saira tar ina radunanza communala.

Il resort «La Mutta» duai vegnir realisà cun atgnas resursas. Perquai vul la vischnanca anc quest onn fundar ensemen cun l'Arena Alva e la planisadra Blauhut AG ina societad d'aczias. Ella daventass uschia acziunaria cun 102'000 francs, tge che munta ina cumpart d'in terz dal chapital total.

Plinavant vuless la vischnanca cumprar las parcellas ch'i dovra per il project. Lura surdess ella quellas en dretg da construcziun a la Mutta AG. La lescha da construcziun prescriva che la dumonda da bajegiar per il resort sto vegnir inoltrada enfin la fin da fanadur 2026. La radunanza communala duai decider en chaussa quest october.

audio
Per tadlar: curt e cumpact
ord RTR Audio dals 01.09.2022.
laschar ir. Durada: 58 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga