Ils ultims onns n`èsi betg stà simpel da chattar organisaturs. Il problem è che quai dat blera lavur, i dovra ina gronda organisaziun ed i custa bler. Ultra da quai cuzzavan las festas da chant dus dis. Sco Ewald Vinzens di hajan els vulì reducir quai sin in di. Mo era suenter ch’els hajan scrit ora l’annunzia hajan els gì nagin success, ed els hajan stuì ir a la tschertga.
La festa da chant è ils 10 da zercladur 2017; e fin alura spera Ewald Vinzens ch’els hajan ils dus projects dal giubileum da 150 onns District da chant Surselva: Ina cronica ed in disc cumpact.
Registraziun cun tut ils chors
Per il disc cumpact èsi previs da far ina registraziun cun tut il chors en Surselva. La cronica duai laschar reviver l’istorgia da l’uniun e porscher purtrets dals chors. Bel fissi era da pudair integrar fotografias veglias.
Tenor Ewald Vinzens custian quels dus projects 30’000 - 40'000 francs. Els n'hajan dentant anc betg ensemen l’entira summa.
Suprastanza cumpletta
A la radunanza da delegads dal District da chant Surselva a Ruschein è il president Ewald Vinzens da Ruschein vegnì reelegì per ina ulteriura perioda d’uffizi. Uss è la suprastanza puspè cumpletta cun la cassiera Silvia Derungs da Uors, l’actuara Mathilda Derungs da Glion e Silvio Erni da Trin. En la cumissiun da musica èn il president Albert Spescha e Daniel Pally.
Las festas da chant sursilvanas
| Onn | Lieu | |
| 1. | 1968 | Vuorz |
| 2. | 1870 | Flem |
| 3. | 1871 | Must‚r |
| 4. | 1876 | Glion |
| 5. | 1878 | Vella |
| 6. | 1979 | Trun |
| 7. | 1881 | Flem |
| 8. | 1884 | Valendau |
| 9. | 1886 | Castrisch |
| 10. | 1888 | Glion |
| 11. | 1890 | Trun |
| 12. | 1892 | Trin |
| 13. | 1896 | Vuorz |
| 14. | 1898 | Sagogn |
| 15. | 1900 | Vella |
| 16. | 1902 | Flem |
| 17. | 1905 | Trun |
| 18. | 1907 | Castrisch |
| 19. | 1909 | Glion |
| 20. | 1911 | Trin |
| 21. | 1913 | Breil |
| 22. | 1920 | Must‚r |
| 23. | 1923 | Glion |
| 24. | 1927 | Glion |
| 25. | 1930 | Trun |
| 26. | 1933 | Flem |
| 27. | 1936 | Sagogn |
| 28. | 1939 | Danis |
| 29. | 1946 | Must‚r |
| 30. | 1949 | Glion |
| 31. | 1953 | Rabius |
| 32. | 1957 | Glion |
| 33. | 1960 | Trun |
| 34. | 1964 | Rueun |
| 35. | 1970 | Surrein |
| 36. | 1975 | Lumbrein |
| 37. | 1979 | Sumvitg |
| 38. | 1984 | Laax |
| 39. | 1988 | Breil |
| 40. | 1994 | Sagogn |
| 41. | 1998 | Vella |
| 42. | 2003 | Must‚r |
| 43. | 2007 | Domat |
| 44. | 2011 | Glion |