Siglir tar il cuntegn

Header

cuntegn

Surselva Far mir sco pli baud

Construir mirs pretenda inschign. Quels e quellas ch’emprendan il mastergn da miradur, emprendan tranter auter d’ir enturn cun maschinas, fier armà, betun e da calcular. Durant l’emna da scolaziun a Schluein è lavur a maun stada sin il program.

Caretta e palutta enstagl da excavatur e tschaghegna

Bajegiar mirs cun crappa natirala è ina part da la scolaziun pe daventar miradur ni miradura. Il mastergn è sa midà ils davos onns da rudent. Construir mirs cun crappa natirala è sulet pli ina nischa. Tuttina s’auda questa tecnica da bajegiar tar la scolaziun fundamentala dals emprendists.

En il chantun Grischun vegn questa furma da bajegiar anc duvrada savens, tar la Viafier Retica per exempel u tar blers mirs da sustegn. Plinavant è quest sistem la basa fundamentala da la lavur da miradur.
Autur: Pascal Zbinden mainacurs
audio
Far mir sco pli baud – emprendists exerciteschan
ord Actualitad dals 24.06.2021.
laschar ir. Durada: 3 minutas 10 Secundas.

La motivaziun constat

Per ils emprendists e las raras emprendistas da miradur munta il curs ina variaziun en congual cun las lavurs da mintgadi. Igl è in lavurar senza squitsch da temp.

Igl è schon strentg corporalmain, dentant uschiglio èsi ina bella lavur. Ins sto mirar co ins metta ils craps, e quai è insatge auter che quai ch’ins fa uschiglio durant la lavur.
Autur: Jon Fadri Nufer emprendist

Durant 12 emnas han emprendistas ed emprendists sviluppà mintgamai durant ina emna, lur enconuschientschas davart il bajegiar tradiziunal.

Pli baud lavurà a Trun ed a Vuorz

RTR actualitad 17:00

Artitgels legids il pli savens