Siglir tar il cuntegn

Surselva Fasa finala per fusiun Obersaxen Mundaun

Questa saira vegn decidì sur da la fusiun Obersaxen Mundaun. Ina fusiun preparada e quai en temp da record.

La baselgia da Maierhof/Cuort cun il plaz Cadruvi
Legenda: La chapitala da Sursaissa è Maierhof/Cuort, quai restass era suenter la fusiun uschia. RTR, L. Livers

Il zercladur 2014 avevan las discussiuns cumenzà e questa saira vegn decidì davart la fusiun. Las duas vischnancas sin la costa da Sursaissa furman geograficamain ina unitad, èn dentant ina part rumantscha ed ina part tudestga. Che quai n'è nagin impediment, han ellas gia mussà. Uschia è la scola vegnida fusiunada gia avant la fusiun da las vischnancas ed era la dumonda da la lingua e gia decidida. La nova vischnanca duai esser bilingua. Tut auter ch'in cler gea tar questa fusiun fiss ina surpraisa.