Siglir tar il cuntegn

Surselva Fascinaziun dar troccas

Troccas è in tipic gieu rumantsch da la Surselva. Il 13avel campiunadi grischun da troccas è stà quest onn a Schluein: 106 giugaders èn sa participads – 15 d'els èn stads per l'emprima giada da la partida e 12 dals giugaders eran sut 40 onns.

Chartas da troccas.
Legenda: Chartas da troccas RTR

Finamira dal gieu da troccas è da far uschè blers puncts sco pussaivel e flaivlentar la cuntrapartida cun sfurzar ella da duvrar lur troccas per cartas che dumbran pauc. In gieu cuzza quatter rundas e tgi che ha a la fin puncts positivs, ha gudagnà.

RTR ha discurrì cun Annalisa Cathomas sur da la media da vegliadetgna dals giugaders, da las reglas e sur da las expressiuns da troccas, il «tschintschar».


Las Reglas

  • Troccas dat ins per ordinari en quatter – dus cunter dus.
  • Mintga giugader survegn il cumenzament sis chartas.
  • Èn las emprimas sis chartas repartidas, vegn fatg cussegl (tschantschà), sch'ins veglia autras chartas u betg.
  • Er la segunda giada survegn mintgin sis chartas. La terza giada vegn repartì set chartas e per il scartist restan nov cartas.
  • Mintga giugader sto dar colur. Sa el betg dar colur, sto el dar troccas e pir sch'el n'ha ni colur ni troccas pli, dastga el dar tge carta ch'el vul.
  • Las troccas pon tut, era la pli auta figura.
  • L’entir gieu dumbra 72 puncts. Mintga partida duess cuntanscher la mesadad, pia 36. En cas ch'ins ha pli pauc, numnan ins quai «malas» ed en il cas ch'in surpassa ils 36, è quai «buns».
Las expressiuns dal «tschintschar»
Legenda: Las expressiuns dal «tschintschar» troccas.ch

RR actualitad 06:00