La preschentaziun avant tschintg onns è stada in'inscenaziun da vaglia. L’emprim a New York, lura a Turitg, e sco finiziun a Val. 300 milliuns francs, 381 meters, il pli aut hotel dal mund, il pli aut bajetg da l’Europa. Las superlativas èn idas giuaden sco paintg.
Dapi la preschentaziun è bain vegnì fatg inqual chaussa vid quests plans, ma pass concrets sco dumondas da bajegiar ni ina midada da zona, ni cunvegnas cun pertutgads n’èn betg pli vegnidas preschentadas.
Ussa suenter bleras giadas scriver u telefonar ha Remo Stoffel respundia.
La filosofia da bajegiar la tur sco attracziun turistica resta per mai vinavant. Sco l'interess da la publicitad mussa, sa tracta quai d’in dals pli interessants projects da la hotellaria svizra.
Era da Dubai anora emprov jau da sviluppar mes imperi internaziunal. Quai che dovra il mument bler temp ed energia.
