Festa da ballape a Schluein

L’USSI Schluein Glion quinta cun 2‘000 aspectaturs per il gieu amicabel encunter l’equipa naziunala da l’Austria.

Ils trenaments da l’equipa naziunala da l’Austria èn per gronda part trenaments serrads, vul dir senza aspectaturs. Betg sco il HSV, che ha gì avant in onn in camp da trenament a Schluein. Quels trenaments eran tuts averts al public ed i ha dà ina atmosfera da festa dal vitg.

Il trenader da l’equipa austriaca Marcel Koller ha dentant decidì sapientivamain da far trenaments serrads. El veglia sa preparar en tutta ruassaivladad sin il campiunadi europeic en Frantscha.

Perquai haja el era elegÌ in lieu ordaifer l’Austria per quai camp da trenament. En l’Austria na fiss i betg stà pussaivel da trenar en tutta ruassaivladad. L’euforia saja bler memia gronda.